17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
Վերջին ժամանակաշրջանի ամենագլխավոր ձեռքբերումը հայ-թուրքական արձանագրությունների չեղարկումն էր. Արմեն Ռուստամյան
Քաղաքականություն
05.03.2018 | 13:12
ՀՅԴ-ն վերջին ժամանակաշրջանի ամենագլխավոր ձեռքբերումն է համարում հայ-թուրքական արձանագրությունների չեղարկումը: Ազգային ժողովում ԱԺ ճեպազրույցների ժամին հայտարարեց ԱԺ ՀՅԴ խմբակցության ղեկավար Արմեն Ռուստամյանը:
«Սա օրինակ է քաղաքական բոլոր ուժերին, որոնք խելք ու խրատ էին ցույց տալիս Դաշնակցությանը, թե ինչպես պետք է գործել, ինչ պետք է անել։ Արագ, անհապաղ անմիջապես ինչ-որ հարցերի լուծման ծրագրեր են մշակում, բայց փորձը ցույց է տալիս, որ ժամանակին այդ ճիշտը պահպանվում է, ու դու հասնում ես նպատակին: Սա այդ դեպքերից մեկն էր, երբ մենք, պահելով մեր «ոչ»-ի շարժումը խիստ կառուցողական ընթացքի մեջ ու թույլ չտալով, որ դա մտնի ծայրահեղությունների դաշտ, կարողացանք պահել շարժման վերահսկողությունը ու կարողացանք շարժումը տանել կառուցողական դաշտում»,- հավելեց պատգամավորը:
Ըստ Ռուստամյանի՝ պետք է խիզախություն ունենալ արված սխալները շտկելու և դրանցից օգուտ քաղելու համար։ «Պարզ դարձավ, որ այդ երկիրն [Թուրքիա-խմբ.] այս վարչակազմով շատ հեռու է քաղաքակիրթ աշխարհի վարչակազմից: Սխալ է կարծել, թե նա փոխվել է, նախկին Թուրքիան չէ ու չի շարունակում Օսմանյան Թուրքիայի տխուր ավանդույթները: Դա ինքնախաբեություն է», – հավելեց պատգամավորը:
Շողիկ Գալստյան
