18.11.2024 | 08:23
ԲԴԽ նախագահ Կարեն Անդրեասյանը պաշտոնից ազատման դիմում է ներկայացրել
Զարմանալի չէ, որ 4 տարի քննվող այս քրեական գործն այսօրինակ վախճան պետք է արձանագրեր․ ԱԺԲ հայտարարությունը
Հասարակություն
13.07.2021 | 20:25
Ազգային-ժողովրդավարական բևեռի խորհուրդն այսօր հանդես է եկել Հատուկ քննչական ծառայության կասեցրած քրգործին վերաբերող հայտարարությամբ։ Դրանում, մասնավորապես, ասվում է․
«Հատուկ քննչական ծառայությունը կասեցրել է 2017 թ. հունիսի 28-ին դատարանի նկուղում (կալանավորների պահման խցերում) Սասնա Ծռեր խմբի չորս անդամներին խոշտանգելու փաստով հարուցված քրեական գործի վարույթը։
Ամենևին զարմանալի չէ, որ չորս տարի քննվող այս քրեական գործը սկզբում սերժական, այնուհետև` նիկոլական թավշյա և պողպատյա, ժամանակաշրջաններում այսօրինակ վախճան պետք է արձանագրեր։
Ակնհայտ է, որ 30 տարիների համակարգային գաղութակեղեքիչ ավանդույթները չեն փոփոխվել։ Իրավապահ կառույցները ենթարկվում են բացառապես օրվա իշխանությունների անօրինական ու ապօրինի հրահանգներին և կատարում են վերջիններիս պատվերը` հովանավորելով միմյանց ու կոծկելով հենց իրենց իրականացրած բռնությունները և խոշտանգումները։
Ազգային-Ժողովրդավարական Բևեռը խստորեն դատապարտում է բռնապետական ռեժիմներին բնորոշ և արատավոր կառավարման նմանօրինակ գործելաոճը։
Մեր ժողովրդին կոչ ենք անում պատրաստվել այս հակազգային և հակաժողովրդավարական ռեժիմին իր սպարկողների հետ միասին պատմության աղբանոցն ուղարկելու անխուսափելի գործընթացին»։
Factor.am-ն ավելի վաղ հայտնել էր, որ կասեցվել է «Սասնա ծռեր» խմբի 4 անդամներին՝ Արայիկ Խանդոյանին, Գագիկ Եղիազարյանին, Մխիթար Ավետիսյանին և Արեգ Կյուրեղյանին ծեծի ենթարկելու գործով քրեական վարույթը։
