19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
«Սասնա ծռերին» ծեծի ենթարկելու գործով քրեական վարույթը կասեցվել է․ փաստաբանի պնդմամբ՝ դատախազը միջամտել է գործին
Հասարակություն
12.07.2021 | 18:23
Կասեցվել է «Սասնա ծռեր» խմբի 4 անդամներին՝ Արայիկ Խանդոյանին, Գագիկ Եղիազարյանին, Մխիթար Ավետիսյանին և Արեգ Կյուրեղյանին ծեծի ենթարկելու գործով քրեական վարույթը։ Factor.am-ի հետ զրույցում փաստաբան Արայիկ Պապիկյանը հայտնեց, որ դատախազությունից երկու որոշում են ստացել։
Որոշումներից մեկով՝ փաստացի դադարեցվել է քրեական հետապնդումը միակ մեղադրյալի՝ Ոստիկանության ուղեկցող գումարտակի նախկին հրամանատար Արմեն Ղազարյանի նկատմամբ, որը պաշտոնական դիրքը չարաշահելով՝ խոշտանգման դեպքով մեղադրյալ էր հանդիսանում։
Երկրորդ որոշումը վերաբերում է «Սասնա ծռերի» 4 անդամի քրեական գործի կասեցմանը։
«Քննությունն այս պահին սպառել է իրեն, չի կարող բավարար ապացույցներ ձեռք բերել ենթադրյալ հանցանք գործած անձանց բացահայտելու վերաբերյալ, և քննիչը որոշում է կայացրել քրեական գործի վարույթը կասեցնելու մասին»,- նշեց Պապիկյանը։
Հարցին՝ արդյո՞ք պատրաստվում են բողոքարկել կայացրած որոշումների մասով, փաստաբանը նշեց․ «Այո՛ բողոքարկելու ենք, օրենքով նախատեսված բոլոր գործիքները կօգտագործենք։ Բողոքարկելու ենք դատախազություն առանց, որի համաձայնության գործը չէր կարող կասեցվել: Հետագայում կբողոքարկենք նաև դատարանին, որովհետև անտրամաբանական է, որ մինչ օրս հայտնի չէ հանցանք գործած անձանց ինքնությունը, մեղմ ասած տարօրինակ է, որովհետև դեպքը հիշում ենք որտեղ է եղել, ինչ պայմաններում և ովքեր մուտք ունեին այդ տարածք, հետևաբա՝ր բողոքարկելու ենք, որովհետև ողջամիտ չեն կայացրած որոշումները և առնվազն իրավական, փաստական հիմքերը թույլ են տալիս պնդել, որ որոշումը ոչ իրավաչափ է»։
Հիշեցնենք, որ 2017թ հունիսի 28-ին «Սասնա Ծռեր» խմբի 14 անդամի գործով (ՊՊԾ գնդի գրավում) դատական նիստից հետո փաստաբանները հայտարարել էին, որ ոստիկանները դատարանի նկուղում ծեծի են ենթարկել Արայիկ Խանդոյանին (Միայնակ Գայլ), Արեգ Կյուրեղյանին, Մխիթար Ավետիսյանին և Գագիկ Եղիազարյանին։ Նրանք բազմաթիվ մարմնական վնասվածքներ էին ստացել։
