18.01.2026 | 19:11
Խուսափեք երրորդ կողմերի միջամտությունից և հավելյալ վճարներից․ ՀՀ-ում ԱՄՆ դեսպանատնից զգուշացնում են
Թուրքիայում կորոնավիրուսի «դելտա» շտամով վարակվելու դեպքերի թիվը գրեթե եռապատկվել է
Քաղաքականություն
13.07.2021 | 16:18
Վերջին շաբաթվա ընթացքում Թուրքիայում կորոնավիրուսի «դելտա» շտամով վարակվելու դեպքերի թիվը գրեթե եռապատկվել է՝ հասնելով 750-ի։ Այս մասին հայտնել է երկրի Առողջապահության նախարարության ղեկավար Ֆահրեթին Քոջան, գրում է ՌԻԱ Նովոստին։
««Դելտա» շտամով վարակվողների թիվը մեկ շաբաթում 36 նահանգներում 286-ից հասել է 750-ի։ «Դելտա պլյուս» շտամի առումով լավ լուրեր ունենք․ դեպքերի թվի աճ չի գրանցվել»,- ասել է Քոջան լրագրողներին։
Հուլիսի 6-ին նախարարը հայտարարել էր «դելտա պլյուս» շտամով վարակման 3 դեպքի մասին։
Պատասխանելով պարտադիր պատվաստումների հնարավոր ներդրման մասին հարցին՝ Քոջան ասել է, որ «պարտադիր պատվաստումն օրակարգում չկա և նախընտրում են համոզելու մեթոդը»:
Տաթև Ֆռանգյան
