18.02.2025 | 23:28
Թուրքիայում PKK-ին անդամակցության կասկածանքով 282 մարդ է ձերբակալվել, այդ թվում՝ ընդդիմադիր գործիչներ
Ֆրանսիան և Հունաստանը պարտադիր են դարձնում կորոնավիրուսի դեմ պատվաստումն առողջապահության ոլորտում
Քաղաքականություն
13.07.2021 | 17:11
Ֆրանսիան և Հունաստանը պարտադիր են դարձնում կորոնավիրուսի դեմ պատվաստումն առողջապահության ոլորտում և ծերերի խնամքի կենտրոնների աշխատողների համար։ Այս մասին Twitter-ի իրենց միկրոբլոգերում հայտնել են Ֆրանսիայի նախագահ Էմանուել Մակրոնը և Հունաստանի վարչապետ Կիրիակոս Միծոտակիսը, գրում է DW-ի ռուսական ծառայությունը։
Ֆրանսիայում COVID-19-ի դեմ պատվաստումը բուժաշխատողների համար պարտադիր կդառնա սեպտեմբերի 15-ից։ Բոլոր նրանք, ովքեր կհրաժարվեն պատվաստվելուց, չեն կարողանա աշխատել առողջապահության ոլորտում և աշխատավարձ չեն ստանա, հայտարարել է Ֆրասնիայի առողջապահության նախարար Օլիվյե Վերանը։
Բացի այդ, տարեսկզբին պատվաստված խոցելի խմբի ներկայացուցիչներին կներարկվի 3-րդ դեղաչափը՝ կորոնավիրուսի դեմ իմունիտետը պահպանելու համար։
Հունաստանում պարտադիր պատվաստումն ուժի մեջ է մտնում օգոստոսի կեսից՝ ծերանոցների աշխատողների համար և սեպտեմբերի 1-ից՝ բժշկական հաստատությունների բոլոր աշխատակիցների համար։
«Մենք կկարողանանք ավարտել առողջապահության ոլորտում ճգնաժամի այս վերջին գլուխը միայն այն դեպքում, եթե յուրաքանչյուրն անի ազատության պատվաստումը»,- ընդգծել է Հունաստանի վարչապետը։
Տաթև Ֆռանգյան
