09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Վազգեն Սարգսյանի թողած ամենաուժեղ բանակը Սերժ Սարգսյանը վեր է ածել ամենաուժեղ թղթապանակի. Նիկոլ Փաշինյան. ՏԵՍԱՆՅՈՒԹ
Քաղաքականություն
05.03.2018 | 12:08
Վազգեն Սարգսյանի թողած տարածաշրջանի ամենաուժեղ բանակը Սերժ Սարգսյանը վեր է ածել տարածաշրջանի ամենաուժեղ թղթապանակի: Այս մասին այսօր ԱԺ ճեպազրույցների ժամին հայտարարեց «Ելք» խմբակցության ղեկավար Նիկոլ Փաշինյանը:
«Նկատի ունեմ, որ 2016 թվականին պարզվեց, որ մեր բանակը կռվում է 80-ականների զենքերով, և փոխանակ բանակը ժամանակակից սպառազինությամբ համալրելու՝ Սերժ Սարգսյանը բազմաթիվ անհեթեթ պայմանագրերով էր ապահովել Հայաստանի անվտանգությունը, և թե ինչպես դա գործեց, գործնականում տեսանք բոլորս»,- շարունակեց Փաշինյանը։
Փաշինյանն ընդգծեց՝ Վազգեն Սարգսյանը 1999 թվականի հոկտեմբերի 27-ի ահաբեկչության զոհ գնաց, և դա բացի ՀՀ-ի համար մութ և սև օր լինելուց նաև Սերժ Սարգսյանի անձնական ձախողում համարեց։
«Սերժ Սարգսյանն այդ ժամանակահատվածում լինելով Ազգային անվտանգության նախարար՝ պարտավոր էր և իր պարտականությունների մեջ էր մտնում ԱԺ պատգամավորների, վարչապետի, ԱԺ նախագահի, փոխնախագահների անվտանգությունը պահպանելը, և «Հոկտեմբերի 27-»ը հետևանք էր, որ Սերժ Սարգսյանն իր աշխատանքային պարտականությունները՝ Ազգային անվտանգության նախարարի կարգավիճակում պատշաճ չի կատարել»,- հավելեց պատգամավորը:
Մանրամասները՝ տեսանյութում:
