29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
«Թալիբանը» սպառնում է Անկարային՝ Աֆղանստանից թուրքական ուժերը դուրս չբերելու դեպքում հետևանքներ կլինեն
Քաղաքականություն
13.07.2021 | 14:06
«Թալիբան» շարժումը նախազգուշացրել է, որ կհարձակվի թուրքական ուժերի վրա, եթե նրանք մնան Աֆղանստանի տարածքում։ Այս մասին ասվում է շարժման հայտարարության մեջ, որը տարածել է աֆղանական 1TV հեռուստալիքը, գրում է ՏԱՍՍ գործակալությունը։
«Թուրքական ղեկավարության որոշումը՝ Աֆղանստանում զորակազմի մի մասը պահելու մասին, խախտում է երկրի ինքնիշխանությունը, տարածքային ամբողջականությունը և հակասում է աֆղանցիներին ազգային շահերին»,- ասվում է հայտարարության մեջ։
Թալիբները նշում են, որ «Աֆղանստանի տարածքում ցանկացած օտարերկրյա զորակազմի ներկայությունը ցանկացած պատրվակով դիտարկում են որպես օկուպացիա և պայքարելու են զավթչների դեմ»։
Թալիբները կոչ են արել թուրքական ղեկավարությանը՝ հրաժարվել ընդունած որոշումից, որը «խնդիրներ է ստեղծում երկու երկրների մահմեդական ժողովուրդների միջև»։
«Եթե թուրքական պաշտոնական անձինք չվերանայեն իրենց որոշումը, ապա «Թալիբանի» կողմնակիցները հանդես կգան թուրքական ուժերի դեմ»,- ասվում է հայտարարությունում։
Այս դեպքում թալիբները պատասխանատվությունը դնում են նրանց վրա, որոնք «խառնվում են ուրիշի գործերին և նման որոշումներ կայացնում»։
Նշենք, որ հունիսի 14-ին Թուրքիայի նախագահ Ռեջեփ Թայիփ Էրդողանը հայտարարել էր, որ իր երկիրը պատրաստ է Աֆղանստանում իր զորակազմը պահպանել ԱՄՆ ֆինանսական աջակցությամբ՝ այնտեղից ՆԱՏՕ-ի զորքերի հեռանալուց հետո։
Էմմա Չոբանյան
