29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Լավ հարց էր, դուր եկավ. Հարությունյանը Վահե Գրիգորյանի՝ վարչապետի պաշտոնավարմանն առնչվող հարցի մասին․ ՏԵՍԱՆՅՈՒԹ
Հասարակություն
13.07.2021 | 11:32
«Այն, որ վարչապետը նշանակվում է իշխող ուժից, որը նախատեսված է նաև Սահմանդրությամբ, իր էությամբ չի փոխում վարչապետի ինստիտուտի դերը մեր սահմանադրաիրավական կարգավորումների տիրույթում»,- Սահմանադրական դատարանում հունիսի 20-ին կայացած արտահերթ խորհրդարանական ընտրությունների արդյունքներն անվավեր ճանաչելու միավորված գործով դատաքննության ժամանակ ասաց «Պատիվ ունեմ» դաշինքի ներկայացուցիչ Դավիթ Հարությունյանը՝ պատասխանելով ՍԴ դատավոր Վահե Գրիգորյանի վարչապետի պաշտոնավարաման շարունակականության սահմանադրականության վերաբերյալ հարցին, ընդ որում՝ նշելով նաև, որ լավ հարց հնչեց:
Հարությունյանը հավելեց, որ չի կարելի վարչապետին հավասարեցնել ուղղակի ընտրություններով ընտրված պաշտոնյայի հետ: Նա վստահեցրեց, որ երբևէ որևէ սահմանադիր չէր ենթադրում, որ կարելի է իրավունքը ծռմռել և հարմարեցնել սեփական շահին, որ ԱԺ-ն պետք է դադարեցնի իր լիազորությունները, որովհետև արհեստականորեն մեկ անձ, մանիպուլյացիայի ենթարկելով խորհրդարանական մեծամասնությանը, հրաժարական է տալիս, մարդ չի ընտրվում, հանդիպում է մյուս խմբակցությունների հետ, ճնշում է գործադրում կամ համոզում է:
«Սահմանադրի տրամաբանությունն ամենևին շաղկապված չէր վարչապետի հրաժարականի ինստիտուտի այլ նպատակներով օգտագործելու համար: Իսկ վարչապետը հրաժարական է տալիս, որպես կանոն, օրինակ, իր գործունեության ընթացքում երկիրը կրում է վիթխարի ինչ-որ կորուստ, երկրի ներսում տեղի է ունենում այնպիսի երևույթ, որը խոսում է այն մասին, որ այս անձը այլևս չի կարող ղեկավարել գործադիր իշխանությունը: Այսինքն՝ հրաժարական տալու ինստիտուտը բառացի էլ նույնն է նշանակում՝ ես հրաժարվեցի այս պաշտոնից: Իսկ ֆոկուսներով՝ այդ պարագայում հրաժարավեցի, բայց այդքան էլ չհրաժարվեցի, շարունակում եմ մնալ վարչապետի պաշտոնակատար, բացարձակապես Սահմանադրությամբ պաշտպանվող արժեք չէ»,- նշեց Հարությունյանը:
Դ. Հարությունյանի կարծիքով, այն, որ վարչապետի կողմից հրաժարական ներկայացնելը էապես տարբերվում է ողջ կառավարության հրաժարական ներկայացնելուց, ակներև է, բազմաթիվ են օրինակներ նաև նույն մոդելի այլ երկրներում:
Մանրամասները՝ տեսանյութում:
