18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
50 զոհ, տասնյակ վիրավորներ․ Իրաքում հրդեհվել է կորոնավիրուսի բուժմամբ զբաղվող հիվանդանոցը
Քաղաքականություն
13.07.2021 | 11:53
Իրաքում ՝ Նասիրիա քաղաքում, 50 մարդ է մահացել կորոնավիրուսով վարակված հիվանդների համար նախատեսված հիվանդանոցում բռնկված հրդեհի ժամանակ: Այս մասին հայտնում է Associated Press- ը:
Առնվազն 50 մարդ մահացել է այրվածքներից, տասնյակ մարդիկ վիրավորվել են: Դի Քարի նահանգի Նասիրի քաղաքի բժշկական վարչության մամուլի խոսնակը հայտարարել է, որ հրդեհը բռնկվել է թթվածնի բալոնի պայթյունից: Այդ պահին հիվանդանոցում առնվազն 63 հիվանդ է եղել։ Հիվանդանոցի նոր մասնաշենքը, որը բացվել էր 3 ամիս առաջ, նախատեսված էր 70 հիվանդի համար, պատմել է պաշտոնյան։ Իրաքի քաղաքացիական պաշտպանության ղեկավար գեներալ-մայոր Ջալիդ Բոխանի խոսքով հիվանդանոցը կառուցված է եղել դյուրավառ նյութերից։
Տաթև Ֆռանգյան
