09.06.2026 | 12:43
Թրամփը հայտարարել է, որ Իրանի հետ գործարքը կարող է կնքվել «երկու կամ երեք օրից»
Ռուսաստանում անտառային հրդեհներ են մոլեգնում․ կրակը հասել է բնակավայրերին
Քաղաքականություն
12.07.2021 | 18:50
Ռուսաստանի միանգամից մի քանի շրջաններում ուժգին անտառային հրդեհներ են մոլեգնում։ ՌԴ ԱԻՆ տվյալների համաձայն՝ վառվում է ավելի քան 766 հազար հա անտառ, գրում է BBC-ի ռուսական ծառայությունը։
Իրավիճակն առավել բարդ է Յակուտիայում․ այստեղ, հուլիսի 12-ին կեսգիշերվա դրությամբ, հրդեհի մակերեսը կազմել է 603․598 հեկտար։ Վառվում է նաև 30,5 հազար հա հատուկ պահպանվող բնական տարածք։
Հրդեհներ են նաև Չելյաբինսկի և Չուկոտկայի ինքնավար մարզերում։ Հրդեհների մարման աշխատանքներին ներգրավված են ավելի քան 8․000 մարդ ու ավելի քան 1․300 միավոր տեխնիկա։
Յակուտիայում, ԱԻՆ տվյալների համաձայն՝ գործում է ավելի քան 300 անտառային հրդեհ։
Յակուտիայի որոշ շրջաններում հրդեհը սպառնում է բնակավայրերին։
Չելյաբինսկի մարզի հարավում գտնվող Կարտալինսկի շրջանում անցած շաբաթվա վերջին հրդեհը ոչնչացրել է մի քանի հազար հա անտառ և տասնյակ բնակելի տներ Ջաբիկ և Զապասնոե գյուղերում, որոնցում ապրում է ավելի քան 1․700 մարդ: Սակայն ՌԴ ԱԻՆ-ից հայտնել են, որ Չելյաբինսկի մարզում իրավիճակը հաջողվել է կայունացնել։
Տաթև Ֆռանգյան
