07.11.2024 | 23:23
Թուրքիան Թրամփի նախագահության օրոք ԱՄՆ-ի կողմից մասքատուրքերի իջեցում է ակնկալում
Ղրղզստանի նախկին նախագահներ Ակաևի և Բակիևի նկատմամբ միջազգային հետախուզում է հայտարարվել
Քաղաքականություն
08.07.2021 | 17:19
Ղրղզստանի նախկին նախագահներ Ասկար Ակաևի և Կուրմանբեկ Բակիևի նկատմամբ միջազգային հետախուզում է հայտարարվել: Նրանք կասկածվում են Կումտորի ոսկու հանքի շահագործման ոլորտում կոռուպցիայի գործով: Այս մասին հայտարարել է երկրի Ազգային անվտանգության պետական կոմիտեի նախագահ Կամչիբեկ Տաշիևը, գրում է korrespondent-ը:
«Կումտորի գործի հետաքննության փաստի առթիվ հետախուզում է հայտարարվել նախկին նախագահներ Ակաևի ու Բակիևի նկատմամբ»,- ասել է նա։
Տաշիևը հավելել է, որ այս գործով կան ևս մի քանի կասկածյալներ, որոնք նախկին բարձրաստիճան պաշտոնյաներ են։
Ավելի վաղ Ղրղզստանը 4,2 միլիարդ դոլարի ֆինանսական պահանջներ է ներկայացրել կանադական Centerra Gold ընկերությանը՝ Կումտոր հանքի շահագործման ժամանակ էկոլոգիական նորմերի ու հարկային խախտումների համար։
Տաթև Ֆռանգյան
