19.05.2026 | 18:27
«Իշխանական պատվեր է». Նարեկ Կարապետյանը՝ ФСБ-ի և Սամվել Կարապետյանի կապն արձանագրած հետաքննության մասին․ ՏԵՍԱՆՅՈՒԹ
Եվրամիությունը լրացուցիչ միջոցներ կտրամադրի Թուրքիային` սիրիացիներին ապաստան տալու համար
Քաղաքականություն
08.07.2021 | 15:40
Եվրոպական խորհրդի նախագահ Շառլ Միշելը հունիսի 24-25-ը կայացած ԵՄ գագաթնաժողովի արդյունքներով մտքեր է փոխանակել Եվրախորհրդարանի պատգամավորների հետ. գրում է ermenihaber-ը:
Միշելն, անդրադառնալով Արևելյան Միջերկրականի հարցին, նշել է, որ այդ տարածաշրջանում լարվածությունը թուլացել է, ինչը, իր համոզմամբ, լավ նշան է:
Ինչ վերաբերում է Թուրքիայի հետ հարաբերություններին, ապա նա շեշտել է, որ այդ երկրի նկատմամբ ԵՄ-ի քաղաքականությունը շարունակվելու է ձևավորվել դեմ առ դեմ, չափավոր և անշրջելի հարաբերություններ կառուցելու վրա:
Միշելը նաև հայտնել է, որ գագաթնաժողովի ընթացքում քննարկել են COVID-19- ին, միգրացիայի արտաքին հարաբերությունների ձևաչափին, տնտեսությունների վերականգնմանը, հիմնարար իրավունքներին և օրենքի գերակայությանն առնչվող հարցեր:
Նշելով, որ աշխատանքներ են սկսվել Մաքսային միության նորացման ուղղությամբ՝ Միշելը հիշեցրել է, որ ԵՄ հանձնաժողովը պայմանավորվել է լրացուցիչ միջոցներ հատկացնել Թուրքիային՝ սիրիացիներին հյուրընկալելու համար:
