12.01.2026 | 12:53
Ես չունեմ զգացում, որ մենք Հայաստանում հասել ենք արդարության և արդարադատության․ Նիկոլ Փաշինյան․ ՏԵՍԱՆՅՈՒԹ
Ավանեսյանը` պատվաստված քաղաքացիներին Եվրոպա մուտքի իրավունք չտալու մասին. ՏԵՍԱՆՅՈՒԹ
08.07.2021 | 12:45
«Վերջերս Եվրամիությունը ընդհանուր որոշում կայացրեց, որ Հայաստանից պատվաստումները ևս կդառնան ընդունելի տարբերակ Եվրոմիության երկրների մուտքի համար: Դրանից հետո Եվրոմիության ամեն մի երկիր պետք է սկսի գործընթացը ավելի տեխնիկական հատվածի, թե ինչպես դա պետք է արվի: և մենք ԱԳՆ-ի հետ միասին իհարկե աշխատում ենք, որ տարբեր երկրներ ճանաչեն մեր սերտիֆիկատների ֆորմատները, և ոչ միայն իրենք են ճանաչում, այլ նաև մենք ենք ճանաչում»,- այս մասին լրագրողների հետ զրույցում նշեց առողջապահության նախարարի պաշտոնակատար Անահիտ Ավանեսյանը:
Նրա խոսքով, այս գործընթացի միջով այս պահին անցնում է ոչ միայն Հայաստանը, այլ նաև բազմաթիվ այլ երկրներ, այդ թվում՝ հենց Եվրամիության երկրները:
Անահիտ Ավանեսյաանը խորհուրդ տվեց դիմել ԱԳՆ՝ պարզելու համար, թե որ երկրներն են այս պահին արդեն հաստատել հայաստանյան սերտիֆիկատների տարբերակները, իսկ որոնք են դեռ պրոցեսի մեջ:
Նախարարի պաշտոնակատարն ընդգծեց, որ Հայաստանում օգտագործվում է Եվրոպական արտադրության և Եվրոպայում ընդունելի AstraZeneca պատվաստանյութը, իսկ տարբեր AstraZeneca-ների մասին խոսակցությունները իրականությանը չեն համապատասխանում:
Նրա խոսքով, որոշ քաղաքացիների, մասնավորապես, Մարկ Գրիգորյանի մոտ առաջացած խնդիրների պատճառը ոչ թե պատվաստանյութն է, այլ պատվաստման սերտիֆիկատների փոխճանաչման հետ կապված տեխնիկական գործընթացները:
Մանրամասները՝ տեսանյութում:
