13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Դատավորների թվի ավելացումը դատական համակարգի բարեփոխման միջոց է. Նիկոլ Փաշինյան. ՏԵՍԱՆՅՈՒԹ
Հասարակություն
08.07.2021 | 11:41
Հայաստանյան դատարաններում աշխատող դատավորների թիվն առաջիկայում կավելանա 20-ով։ Այս մասին այսօր կառավարության նիստում հայտարարեց ՀՀ արդարադատության նախարարի պաշտոնակատար Ռուստամ Բադասյանը։ Նրա խոսքով` դատավորների թվակազմն ավելացնելու համար ԲԴԽ-ն կառավարությանը դիմել էր հունիսի 30-ին։
«Առաջարկում ենք հավանություն տալ ԲԴԽ-ի առաջարկությանը` Երևանի ընդհանուր իրավասության առաջին ատյանի դատարանի դատավորների կազմն ավելացնել 8 դատավորով, մարզերում յուրաքանչյուր դատարանում դատավորների թվակազմն ավելացնել 1-ական դատավորով և ՀՀ Վերաքննիչ քրեական դատարանում` 3-ով, և կատարել վերաբաշխում` ՀՀ պետական բյուջեում ապահովելով 20 դատավորների համար նախատեսված ծախսերը»,- նշեց Բադասյանը։
Նա նաև հավելեց, որ նոր դատավորների ընտրության կարգն անցկացվելու է սահմանված կարգով, այդ թվում կոռուպցիայի հանձնաժողովի կողմից ստուգմամբ։
ՀՀ վարչապետի պաշտոնակատար Նիկոլ Փաշինյանը նշեց, որ դատավորների թվի ավելացումը դատական համակարգի բովանդակային բարեփոխման միջոց է։
Մանրամասները՝ տեսանյութում:
