Քաղաքականություն
08.07.2021 | 13:10
«Թալիբան» ծայրահեղական շարժման ներկայացուցիչ Զաբիուլլահ Մոջահեդը ՌԻԱ Նովոստիին հայտնել է, որ գրոհայինները գրավել են, ընդհանուր առմամբ, Աֆղանստանի տարբեր նահանգների 169 շրջան, մինչդեռ աֆղան գեներալներից մեկը հերքել է այս տեղեկությունը:
Թալիբների ներկայացուցչի պնդմամբ՝ վերջին երկու ամսվա ընթացքում «Թալիբան» շարժումը գրավել է շուրջ 400 շրջաններից 167-ը, իսկ անցած գիշեր վերահսկողություն է հաստատել ևս երկու շրջանի վրա՝ Հերաթ և Զաբուլ նահանգներում:
«Մեր մոջահեդների կողմից գրավված շրջանների ընդհանուր թիվը հասել է 169-ի»,- գործակալությանը ասել է Մուջահեդը:
Թալիբները նաև պնդում են, որ այսպիսով նրանք վերահսկողություն են հաստատել երկրի 85%-ի նկատմամբ: Իր հերթին, Աֆղանստանի ՊՆ նախկին ներկայացուցիչ, գեներալ Դավլաթ Վազիրին հերքել է այս հայտարարությունը:
««Թալիբների» պնդումները ճիշտ չեն»,- ասել է նա՝ նշելով, որ նախկինում էլ շարժման ներկայացուցիչներն անհիմն հայտարարություններ էին արել, թե վերահսկում են երկրի տարածքի ավելի քան 60 կամ 70 տոկոսը:
Տաթև Ֆռանգյան
