18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Քննարկվում է ևս 2 պատվաստանյութերի ներկրման հարցը․ Գայանե Սահակյան. ՏԵՍԱՆՅՈՒԹ
07.07.2021 | 14:18
Մենք այժմ աշխատանքներ ենք տանում այլ պատվաստանյութեր ներկրելու ուղղությամբ։ Այս մասին ԱՆ Հիվանդությունների վերահսկման և կանխարգելման ազգային կենտրոնի «Ռեֆերենս լաբորատոր» կենտրոնում Factor TV-ի հարցին ի պատասխան՝ ասաց ԱՆ ՀՎԿԱԿ գլխավոր տնօրենի տեղակալ Գայանե Սահակյանը։
««Կովաքս»-ի հարթակով դեռևս շարունակում ենք մեր համագործակցությունը, տվյալ պահին արտակարգ իրավիճակներում կիրառման թույլտվություն ստացած պատվաստանյութերի առկայության դեպքում առաջարկվում են դրանք»,- նշեց Սահակյանը։
Նա դժվարացավ ասել, թե երբ կստանանք կորոնավիրուսի դեմ նոր պատվաստանյութ, սակայն նշեց, որ այժմ քննարկվում է ամերիկյան «Ջոնսոն և Ջոնսոնի» կողմից արտադրված և «Նովովաքս» պատվաստանյութերի ներկրման հարցը։
««Նովովաքս»-ը դեռ չի ստացել արտակարգ իրավիճակներում կիրառման թույլտվություն, երբ լինի՝ կառաջարկվի երկրներին։ Իսկ «Ջոնսոն և Ջոնսոնի» կողմից արտադրված պատվաստանյութն արդեն ստացել է և, գուցե, հաջորդ պատվաստանյութը հենց դա լինի»,- ընգդծեց Սահակյանը։
Մանրամասները՝ տեսանյութում։
Արփի Հակոբյան
