11.10.2026 | 18:01
Տիգրան Բարսեղյանը` գոլի հեղինակ. ՏԵՍԱՆՅՈՒԹ
Վերաբացվել է Արոնյանի և Սարգսյանի գրոսմայստերական դպրոցը
07.07.2021 | 12:46
Երեք տարվա դադարից հետո վերաբացվել է Լևոն Արոնյանի և Գաբրիել Սարգսյանի գրոսմայստերական դպրոցը:
«Արմենպրես»-ի հետ զրույցում այս մասին հայտնել է Հայաստանի շախմատի հավաքականի անդամ oլիմպիադաների բազմակի հաղթող Գաբրիել Սարգսյանը: Վերջինս փաստել է, որ այսուհետև գրոսմայստերական դպրոցը կգործի «Վերածնվող միտք» բարեգործական հիմնադրամի աջակցությամբ: Դպրոցում աշակերտների հետ կաշխատեն Արման Փաշիկյանը, Աշոտ Նադանյանը և Աշխեն Սանոյանը:
«Փոփոխությունն այն է, որ առաջ դպրոցը պետական էր, իսկ հիմա ոչ: Մենք շարունակելու ենք մնալ շախմատիստների կողքին անկախ ամեն ինչից, որ եղավ նախորդ տարիներին»,- ասել է Սարգսյանը:
Ուսումնական կենտրոնում սովորելու հնարավորություն կունենան ոչ միայն Հայաստանի առաջատար շախմատիստները, այլև այն պատանի շախմատիստներն ու շախմատիստուհիները, ովքեր կցանկանան ստանալ շախմատային գիտելիքներ, խորացնել դրանք:
