Քաղաքականություն
06.07.2021 | 20:33
ՌԴ-ում Covid-19-ից մահացությունների օրական ցուցանիշը նոր հակառեկորդ է գրանցել․ մեկ օրվա ընթացքում Ռուսաստանում գրանցվել է Covid-19-ից 737 մահվան դեպք։ Այս մասին են վկայում Կորոնավիրուսի դեմ պայքարի օպերատիվ շտաբի տվյալները։ Ընդ որում, շտաբը մահացությունների վերաբերյալ միայն նախնական տվյալներ է հրապարակում, վերջնական թվերը ամիսը մեկ անգամ հրապարակում է «Ռոսստատ»-ը, գրում է BBC-ի ռուսական ծառայությունը։
737 մահվան դեպքը ռեկորդային ցուցանիշ է։ Համաճարակի ամբողջ ընթացքում գրանցված նախորդ առավելագույն ցուցանիշն արձանագրվել էր շաբաթ՝ 697 դեպք։
Մոսկվայում և Սանկտ Պետերբուրգում մինչև երեքշաբթի մահացածների թիվը ռեկորդային ցուցանիշներից ցածր է եղել՝ համապատասխանաբար, 114 և 99:
Սրա հետ մեկտեղ, սննդամթերք մատակարարողներն ու առևտրային ցանցերը խնդրել են Մոսկվայի իշխանություններին՝ մեկ ամսով երկարացնել պարտադիր պատվաստման ժամկետները, քանի որ չեն հասցնում պատվաստել աշխատակիցների 60%-ին քաղաքապետ Սերգեյ Սոբյանինի կողմից նշված ժամանակահատվածում։ Որոշ ընկերություններում պատվաստվածների թիվը չի գերազանցում 17%-ը։
Տաթև Ֆռանգյան
