11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
Թուրքիայում առաջին անգամ «դելտա պլյուս» կորոնավիրուսի շտամով վարակման դեպքեր են հայտնաբերվել
Քաղաքականություն
06.07.2021 | 15:58
Թուրքիայում առաջին անգամ «դելտա պլյուս» կորոնավիրուսի շտամով վարակման 3 դեպք է հայտնաբերվել։ Այս մասին հայտարարել է երկրի առողջապահության փոխնախարար ֆահրեթին Կոջան։
«Երեք նահանգներում, այդ թվում՝ Ստամբուլում, հայտնաբերվել է «դելտա պլյուսի» շտամ։ Բոլոր դեպքերում հիվանդները պատվաստված չեն եղել։ Նրանց վիճակը լավ է, հոսպիտալացումներ չկան»,- նրա խոսքերն է մեջբերում NTV-ն։
Նախարարը հավելել է, որ «դելտա» շտամով վարակվածների թիվը 30 նահանգներում հասել է 286 մարդու։
Հավելենք, որ հունվարին Թուրքիայում սկսվել են կորոնավիրուսի դեմ չինական Sinovac Biotech ընկերության CoronaVac պատվաստանյութով պատվաստումները, մարտից երկրում կիրառվում է նաև Pfizer/BioNTech-ի պատվաստանյութը։ Ապրիլի վերջին Անկարան թույլատրել է նաև «Սպուտնիկ V»-ի կիրառումը։
Առողջապահության նախարարության տվյալների համաձայն՝ պատվաստանյութի առաջին դեղաչափը ստացել է ավելի քան 36 միլիոն քաղաքացի, երկու դեղաչափը՝ շուրջ 16 միլիոն մարդ։
Տաթև ֆռանգյան
