09.06.2026 | 00:17
Մարկո Ռուբիոն շնորհավորել է Փաշինյանին
Կամչատկայի իշխանությունները չեն հաստատել ԱՆ-26 մարդատար օդանավի՝ ծովն ընկնելու լուրը․ տարբեր վարկածներ են շրջանառվում
Քաղաքականություն
06.07.2021 | 14:13
Կամչատկայի երկրամասի փոխվարչապետ Ալեքսանդր Զաբոլիչենկոն չի հաստատել տեղեկություններն այն մասին, որ ռադարներից անհետացած ԱՆ-26 մարդատար ինքնաթիռն ընկել է ծովը, հաղորդում է «360» հեռուստաալիքը:
«Դրանք դեռևս հորինվածք են։ Ոչ մի պաշտոնական հաստատում չկա։ Ես չեմ հաստատում։ Ինչ է այնտեղ անում մամուլի ծառայությունը, ինչ մեկնաբանություններ է տալիս՝ չգիտեմ»,- հայտարարել է Զաբոլիչենկոն։
Մինչ այդ «360»-ը հաղորդում է, որ անհետ կորած ինքնաթիռի բեկորները հայտնաբերել են բլրի հետևում։ Այս մասին լրատվականին հայտնել է իրավիճակին ծանոթ տեղի բնակիչ։ Տղամարդը, ում հայրը եղել է անհետացած ինքնաթիռում, պատմել է, որ դրա բեկորները հայտնաբերվել են տունդրայի այն հատվածում, որտեղ մարդիկ որս են անում։
Տեղի մեկ այլ բնակիչ էլ նշել է, որ բեկորները հայտնաբերվել են Կիև կոչվող բլրի մոտ: Ինքնաթիռն ամբողջությամբ ոչնչացել է, բեկորների մի մասը ծովն է քշվել:
Ըստ Life Shot Telegram ալիքի՝ ԱՆ-26-ը, հնարավոր է, բախվել է ժայռին՝ օդանավակայանից չորս կիլոմետր հեռավորության վրա:
Հիշեցնենք՝ ԱՆ-26 ուղևորատար ինքնաթիռը, որն իրականացնում էր Պետրոպավլովսկ-Կամչատսկ-Պալանա չվերթը, այսօր առավոտյան կապի դուրս չի եկել։ ԱԻՆ տվյալների համաձայն՝ ինքնաթիռում 28 մարդ է եղել, այդ թվում՝ մեկ երեխա ու անձնակազմի 6 անդամ։
Տաթև Ֆռանգյան
