01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Թուրքիայի ՌՕՈՒ ուժերի հրամանատարն Ադրբեջանում է. կքննարկվեն երկկողմ համագործակցության ընդլայնման հարցեր
Քաղաքականություն
05.07.2021 | 19:36
Թուրքիայի ռազմաօդային ուժերի (ՌՕՈՒ) հրամանատար, բանակի գեներալ Հասան Քյուչուքաքյուզի գլխավորած պատվիրակությունն աշխատանքային այցով ժամանել է Ադրբեջան։ Այս մասին հաղորդել է Ադրբեջանի Պաշտպանության նախարարությունը, գրում են տեղական լրատվամիջոցները։
«Այցի շրջանակում տեղի կունենա մտքերի փոխանակում Թուրքիայի և Ադրբեջանի ռազմաօդային ուժերի ներկա իրավիճակի ու համագործակցության զարգացման հեռանկարների վերաբերյալ»,- նշվում է հաղորդագրության մեջ։
Բացի այդ, կողմերը կքննարկեն երկկողմ կապերի ընդլայնման հնարավորությունը։
Նշենք, որ այս այցի հաջորդում է թուրք-ադրբեջանական համատեղ զորավարժություններին։ Նախ՝ Նախիջևանում անցկացվեցին հատուկ մարտավարական զորավարժություններ տեղի կայազորի զորքերի ու Թուրքիայի ԶՈՒ-ի կառավարման մարմինների հետ։ Այս զորավարժությունների մասին հրապարակված լուսանկարներից էլ պարզ դարձավ, որ Նախիջևանում տեղակայված են թուրքական «Բայրաքթար» անօդաչու սարքեր։
Հունիսի 28-30-ն էլ Ադրբեջանում անցկացվեցին թուրք-ադրբեջանական «Մուսթաֆա Քեմալ Աթաթուրք-2021» թուրք-ադրբեջանական համատեղ մարտավարական զորավարժությունները։
Էմմա Չոբանյան
