Քաղաքականություն
05.07.2021 | 13:51
Ադրբեջանի վերահսկողության տակ գտնվող Վարանդայի (Ֆիզուլի) շրջանում ականապատ տարածքում կրկին հրդեհ է բռնկվել։ Տեղական լրատվամիջոցները, վկայակոչելով Ադրբեջանի արտակարգ իրավիճակների նախարարությանը, հայտնում են, որ տեղեկություն է ստացվել, որ Ֆիզուլիի շրջանի Գարազալի գյուղում (Հադրութի ուղղությամբ) ականապատ, լեռնային դժվարանցանելի տարածքում հրդեհ է բռնկվել։
Հրդեհաշիջման աշխատանքներում ներագրավվել է նաև ուղղաթիռ։ Կրակը մարել դեռևս չի հաջողվում։
Հիշեցնենք, որ մի քանի օր առաջ ևս հրդեհ էր բռնկվել Ֆիզուլիի շրջանում՝ Հաջար գյուղում ականապատ տարածքում։ Այս հրդեհը մարելու համար ադրբեջանական կողմից մի քանի օր պահանջվեց։
Էմմա Չոբանյան
