30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Հունիսին Արցախի գրավյալ տարածքներում ականի վրա 9 ադրբեջանցի է պայթել. նրանցից 4-ը մահացել է
Քաղաքականություն
02.07.2021 | 15:15
Արցախի գրավյալ տարածքներում հունիսին ականի վրա պայթելու երեք դեպք է տեղի ունեցել, որի հետևանքով տուժել է 9 ադրբեջանցի՝ ութ քաղաքացիական անձ ու մեկ զինծառայող։ Այս մասին գրում է ադրբեջանական Report գործակալությունը՝ վկայակոչելով «Ադրբեջանական արշավ ընդդեմ ականների» հասարակական միավորմանը։
Նշվում է, որ ականի վրա պայթելու հետևանքով մահացել է 4 քաղաքացիական անձ, 5-ը՝ վիրավորում ստացել։
Հունիսին ականի վրա պայթելու դեպքերը տեղի են ունեցել Քարվաճառի և Աղդամի շրջաններում։
Նշենք, որ այսօր Ադրբեջանի ԱԳ նախարարը հայտարարել է, որ ռազմական գործողությունների ավարտից հետո մինչ այսօր Արցախի գրավյալ տարածքներում ականի վրա պայթելու հետևանքով մահացել է Ադրբեջանի 28 քաղաքացի, ավելի քան 120-ը՝ վիրավորում ստացել։
Էմմա Չոբանյան
