01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Հնդկաստանում COVID-19-ի զոհերի թիվը գերազանցել է 400 հազարը
Քաղաքականություն
02.07.2021 | 15:45
Հնդկաստանում COVID-19-ի զոհերի թիվը գերազանցել է 400 հազարը: Այս երկիրը ԱՄՆ-ից և Բրազիլիայից հետո դարձել է աշխարհում երրորդը, որը հատել է կորոնավիրուսից մահվան դեպքերի այս բարձր շեմը, հայտնում է BBC-ն:
Փորձագետների պնդմամբ՝ այս թվերն իրականում կարող են շատ ավելի բարձր լինել, քանի որ Հնդկաստանում մահվան դեպքերի մեծ թիվ պաշտոնապես չեն գրանցում։
Ընդհանուր առմամբ, Հնդկաստանում գրանցվել է վարակի ավելի քան 30 միլիոն դեպք․ այս ցուցանիշով այն զիջում է միայն ԱՄՆ-ին (33,6 միլիոն դեպք)։
Նշվում է, որ վերջին շաբաթներին COVID-ի նոր դեպքերի թիվը Հնդկաստանում նվազել է՝ հասնելով մեկ օրում 40 հազարի։ Նոր դեպքերի թվի նվազումը կարելի է բացատրել առանձին նահանգներում լոքդաուն հայտարարելու հանգամանքով։Ըստ փորձագետների՝ երկրում վարակի երրորդ ալիքի գրանցումն անխուսափելի է։
Տաթև Ֆռանգյան
