06.06.2026 | 17:19
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Թագուհի Թովմասյանը դատական հայց է ներկայացրել Լենա Նազարյանին
Հասարակություն
01.07.2021 | 18:06
Ազգային ժողովի անկախ պատգամավոր Թագուհի Թովմասյանը դատական հայց է ներկայացրել ԱԺ փոխնախագահ Լենա Նազարյանի դեմ: Այս մասին Factor TV-ն տեղեկացավ «Դատալեքս» դատական տեղեկատվական համակարգից։ Գործը մակագրվել է Երևան քաղաքի ընդհանուր իրավասության դատարանի դատավոր Սերգեյ Սահակյանին:
Թագուհի Թովմասյանը Նազարյանից պահանջում է վիրավորանք համարվող արտահայտության համար հրապարակայնորեն ներողություն խնդրել և փոխհատուցում վճարել:
Հիշեցնենք, որ հունիսի 3-ին տեղի ունեցած խորհրդարանական նիստի ընթացքում Թովմասյանի ելույթից հետո, որում նա քննադատում էր իշխանությանը՝ զինծառայողների դիերի ու մասունքների ոչ պատշաճ պահման համար, ԱԺ փոխնախագահը շշուկով արձագանքել էր՝ ասելով «իդիոտկա»։
Վիրավորական արտահայտությունը լսելի էր եղել, քանի որ Նազարյանի բարձրախոսը միացված էր։ Նույն նիստի ընթացքում պատգամավոր Թովմասյանն անդրադարձել էր Նազարյանի արած արտահայտությանը՝ պահանջելով ներողություն խնդրել։ Ավելի ուշ լրագրողների հետ ճեպազրույցում Լենա Նազարյանն ասաց, որ չի պատրաստվում ներողություն խնդրել, ավելին՝ Թագուհի Թովմասյանը պետք է ներողություն խնդրի։
Մերի Մարտիրոսյան
