31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Կյանքից հեռացել է ԱՄՆ պաշտպանության նախկին նախարար Դոնալդ Ռամսֆելդը
Քաղաքականություն
01.07.2021 | 15:43
88 տարեկանում կյանքից հեռացել է ԱՄՆ պաշտպանության նախկին նախարար Դոնալդ Ռամսֆելդը։ Նա մահացել է Նյու Մեքսիկոյի Տաոս քաղաքում: BBC-ի ռուսական ծառայության հաղորդմամբ՝ այս մասին հայտնել են Ռամսֆելդի հարազատները: Ընտանիքի անդամները որպես մահվան պատճառ նշել են միելոմա չարորակ ուռուցքը:
Նշենք, որ Դոնալդ Ռամսֆելդն առանցքային դեր է խաղացել Աֆղանստանում և Իրաքում պատերազմներ սկսելու՝ նախագահ Ջորջ Բուշի վարչակազմի որոշման մեջ։
Ռամսֆելդը պատմության մեջ մտավ որպես միակ անձը, որը որպես ԱՄՆ պաշտպանության նախարար ծառայել է երկու տարբեր վարչակազմերում՝ տարիների տարբերությամբ, այլ ոչ թե հաջորդաբար: Պաշտպանության մի քանի այլ ղեկավարներ, որոնք պաշտոնավարել են տարբեր նախագահների օրոք, մնացել են այս պաշտոնում միայն թիմը փոխելու պարագայում:
Տաթև Ֆռանգյան
