18.01.2026 | 15:00
WP․ Պենտագոնը պատրաստվում է դեսանտայիններին ուղարկել Մինեսոտա
Հին Թաղերը ու Խծաբերդը մեզ համար բռնազավթված տարածքներ են․ Բեգլարյան. ՏԵՍԱՆՅՈՒԹ
01.07.2021 | 11:22
«Ըստ նոյեմբերի 9-ի եռակողմ պայմանագրի առաջին կետի՝ Հադրութի շրջանի Հին Թաղեր և Խծաբերդ գյուղերը պետք է մնային հայկական կողմին, բայց պայմանագրի ստորագրումից մեկ ամիս անց, այդ գյուղերը զոհերով ու գերիներով անցան թշնամուն: Ինչո՞ւ այդպես եղավ, ո՞վ է պատասխանատուն»,- առցանց ասուլիսի ժամանակ Արցախի պետնախարար Արտակ Բեգլարյանն անդրադարձավ նաև օգտատերերից մեկի այս հարցին:
Նա նշեց, որ դա շատ կարևոր, սկզբունքային և հետպատերազմյան Արցախի ամենացավոտ հարցերից մեկն է:
«Որոշ դեպքերում ես էլ հարցերի պատասխանները չունեմ: Կա տեսակետ, որ դա պայմանավորված էր նոյեմբերի 9-ի հայտարարության հիման վրա ձևավորված քարտեզներով, որոնց համաձայն՝ նախատեսված չէր Հին Թաղերի և Խծաբերդի առկայությունը մեր տարածքում: Բայց ես չեմ կարող ասել՝ արդյոք այդպես է, թե ոչ:
Մյուս տեսակետն այն է, որ ադրբեջանական կողմն օգտվել է ռուս խաղաղապահների բացակայությունից, փաստացի շարունակել է մարտական գործողությունները և բռնազավթել է Հադրութի շրջանի այդ պատառիկը:
Հին Թաղերը և Խծաբերդը մեզ համար, միանշանակ, բռնազավթված տարածքներ են»,-նշեց Բեգլարյանը:
Մանրամասները՝ տեսանյութում:
