11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Կանադայում 1000-ից ավելի երեխաների անանուն գերեզմաններ են հայտնաբերվել եկեղեցիներին կից գործող գիշերօթիկների տարածքում
Քաղաքականություն
01.07.2021 | 13:31
Կանադայի արևմուտքում հայտնաբերվել են ևս 128 գերեզմաններ, որոնցում, ենթադրաբար, թաղված են նախկին գիշերօթիկ դպրոցներից մեկի աշակերտները, որտեղ բռնի կերպով տարվել են հնդկացիների երեխաները, գրում է BBC-ի ռուսական ծառայությունը:
Սա վերջին մի քանի շաբաթվա ընթացքում հայտնաբերված երրորդ մեծ գերեզմանատունն է, որոնք հայտնաբերվել են Կանադայի արևմտյան նահանգներում։ Դրանց ընդհանուր թիվը գերազանցել է հազարը: Բրիտանական Կոլումբիայի Քրանբրուք քաղաքում գտնվող նախկին Սուրբ Յուջինա մանկատան տարածքում հայտնաբերվել են նոր անանուն գերեզմաններ:
Ծրագրի շրջանակում, որը գործում էր Կանադայում ավելի քան մեկ դար՝ մինչև 1990-ականները, հնդիկ երեխաներին ձուլման նպատակով բռնի տանում էին ընտանիքներից և տեղավորում գիշերօթիկ դպրոցներում: Ծրագրի առաջին տասնամյակների ընթացքում շատ երեխաներ մահացել են այդ դպրոցներում կենցաղային վատ պայմանների պատճառով. շենքերը հաճախ խարխլված էին, վատ էին տաքացվում, վատորակ սնունդ էր տրամադրվում:
Գիշերօթիկ դպրոցները ղեկավարում էին կրոնական կազմակերպություններ և, ենթադրաբար, այդ պատճառով վերջին երկու շաբաթվա ընթացքում Կանադայում այրվել է ութ եկեղեցի, որոնցից երկուսը՝ չորեքշաբթի: Ոստիկանությունը դիտարկում է եկեղեցիների հրկիզման վարկածը, բայց պաշտոնապես չեն խոսում գերեզմանների հայտնաբերման և հրդեհների կապի մասին։
Տաթև Ֆռանգյան
