30.10.2026 | 16:09
Բելառուսում արգելել են Հայաստանից և Վրաստանից կոնյակի արտադրատեսակների վաճառքը
Իմ կանխատեսմամբ՝ 1.5 տարի հետո արտահերթ ընտրություններ ենք ունենալու. Ռոբերտ Քոչարյան․ ՏԵՍԱՆՅՈՒԹ
Քաղաքականություն
29.06.2021 | 21:55
Հայաստանում մեկուկես տարի անց, ամենայն հավանականությամբ, տեղի կունենան նոր արտահերթ ընտրություններ: Նման պահանջ է առաջանալու: Այս մասին հունիսի 29-ին «Հայաստան» դաշինքի առաջին ընդհանուր ժողովում հայտարարեց ՀՀ երկրորդ նախագահ Ռոբերտ Քոչարյանը:
Նրա խոսքով՝ «Հայաստան» դաշիքնն այն ուժն է, որը պայքարելու է ճգնաժամը հաղթահարելու համար:
«Այս իշխանությունը երկու ելք ունի, առաջին՝ շարունակել ռեպրեսիաները, ընդդիմության հետապնդումները և ձեռնարկել քայլեր, որոնք ավելի շատ հետաքրքիր են Անկարայի ու Բաքվի համար, Հայաստանի շահերից չեն բխում, երկրորդ՝ ճանապարհը ներկայիս քաղաքականությունը կտրականապես փոխելն է, սակայն նրանք այս ճանապարհով չեն գնում: Այս իշխանությունը չի կարող արդյունավետ զբաղվել երկրի խնդիրներով: Նրանք այդպես էլ չհասկացան, որ խնդիրների պատճառը իրենց աշխատանքի ոճն է և աշխարհայացքը:
«2018 թվականից հետո արտահերթ ընտրությունները եղել են 2,5 տարի անց, և քանի, որ այս իշխանությունները պրոբլեմներ լուծող չէ, այլ՝ պրոբլեմներ ստեղծող, իմ կանխատեսմամբ՝ մենք մեծ հավանակնությամբ արտահերթ ընտրություններ ունենալու ենք մեկուկես տարի հետո։ Հասունանալու է նոր ընտրությունների պահանջը»,- նշեց Քոչարյանը։
Մանրամասները՝ տեսանյութում:
