19.05.2026 | 16:04
Սամվել Կարապետյանի անձնագրային գործում որպես աշխատանքի վայր նշված է եղել ФСБ-ի տեղեկատվական կենտրոնը․ The Insider
ՀԱՀ նախկին նախագահը դատապարտվել է 15 ամսվա ազատազրկման
Քաղաքականություն
29.06.2021 | 20:47
Հարավաֆրիկյան Հանրապետության (ՀԱՀ) բարձրագույն դատական մարմինը երկրի նախկին նախագահ Ջեյկոբ Զումային դատապարտել է 15 ամսվա ազատազրկման՝ դատարանի հանդեպ անհարգալից վերաբերմունքի համար։ Այժմ նա 5 օր ունի՝ ոստիկանությանը հանձնվելու համար, հակառակ դեպքում նրա ձերբակալման օրդեր կհանձնվի, գրում է BBC-ի ռուսական ծառայությունը։
73-ամյա Զուման ՀԱՀ-ը ղեկավարել է 2009-2018 թվականներին։ Նրա կառավարման տարիներին կոռուպցիոն սկանդալներ են գրանցվել։
Նոր իշխանությունները դատական հանձնաժողով են ստեղծել՝ այդ մեղադրանքների հետաքննության համար, որը հայտնի է «Զոնդո հանձնաժողով» կամ «Պետության գրավման գործով հանձնաժողով» անվանումներով։
Զուման դատական հանձնաժողովի առաջ է կանգնել միայն մեկ անգամ, իսկ հետո հրաժարվել է ներկա լինել նիստերին։ Զումային 16 մեղադրանք է ներկայացվել՝ կաշառք վերցնելու, պետական պայմանագրեր կնքելուց կաշառք ստանալու, բյուջեի միջոցները ոչ թիրախային օգտագործելու ու փողերի լվացման համար։
Տաթև Ֆռանգյան
