11.10.2026 | 12:06
Հայ զինծառայողները վարժանքներ են անցկացրել «Արամազդ» հրետանային միջոցով և նոր տեխնիկայով
Սերգեյ Լավրովը մեկնում է Անթալիա․ քննարկվելու է նաև Անդրկովկասում տիրող իրավիճակը
Քաղաքականություն
29.06.2021 | 10:30
Հունիսի 30-ին Ռուսաստանի Դաշնության արտգործնախարար Սերգեյ Լավրովը կայցելի Անթալիա՝ բանակցելու Թուրքիայի արտգործնախարար Մևլութ Չավուշօղլուի հետ։ ՌԴ ԱԳՆ հաղորդագրության համաձայն՝ հանդիպման ընթացքում նախարարները կքննարկեն երկկողմ հարաբերությունների զարգացման, ինչպես նաև տարածաշրջանային ու միջազգային օրակարգի հարցեր։
Տեղեկացվում է, որ քննարկվելու է նաև Անդրկովկասում տիրող իրավիճակը։
«Անթալիայում բանակցությունների ընթացքում նախատեսվում է անդրադառնալ երկկողմ ու միջազգային օրակարգի լայն շրջանակի թեմաների։ Կքննարկվի իրավիճակը Անդրկովկասում, Մերձավոր Արևելքում, Հյուսիսային Աֆրիկայում, Աֆղանստանում, Ուկրաինայում, Կենտրոնական Ասիայում, Արևելյան Միջերկրականում ու Սևծովյան տարածաշրջանում»,- ասված է ՌԴ ԱՆԳ հաղորդագրության մեջ։
Տաթև Ֆռանգյան
