13.12.2025 | 15:42
Ռոնալդուն կնկարահանվի «Ֆորսաժ» ֆիլմում
Լևոն Արոնյանը Goldmoney Asian Rapid գլխավոր մրցաշարում առաջին տեղով դուրս եկավ փլեյ-օֆֆ
28.06.2021 | 20:42
Հայաստանի շախմատիստ Լևոն Արոնյանի հաղթանակով ավարտվեց առցանց անցկացվող Goldmoney Asian Rapid արագ շախմատի գլխավոր մրցաշարը, հաղորդում է A1+-ը։
Այսօր կայացած 11-15-րդ տուրերում նա սկզբում հաղթեց իրանցի Ալիռեզա Ֆիրուջային ու ռուսաստանցի Դանիլ Դուբովին, ապա ոչ-ոքի խաղաց կանանց աշխարհի չեմպիոն Հու Յիֆանի, ռուսաստանցի Վլադիսլավ Արտեմիևի և ամերիկացի Վեսլի Սոյի հետ:
Լևոն Արոնյանը 15 հնարավորից վաստակեց 10,5 միավոր և միանձնյա զբաղեցրեց 1-ին տեղը: Նրան հաջորդած Վլադիսլավ Արտեմիևը ետ մնաց ընդամենը կես միավորով: Աշխարհի չեմպիոն Մագնուս Կառլսենը 9 միավորով գրավեց 4-րդ տեղը:
Առաջին ութ տեղերը գրաված շախմատիստները մտան փլեյ-օֆֆ, որտեղ հաղթողը կորոշվի նոկաուտ մրցակարգով:
