11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Լոնդոնի կենտրոնում պայթյուն է որոտացել․ խոշոր հրդեհ է բռնկվել
Քաղաքականություն
28.06.2021 | 18:18
Լոնդոնում մետրոյի Elephant & Castle կայարանի մոտ պայթյուն է որոտացել, ինչի հետևանքով խոշոր հրդեհ է բռնկվել։ Հրշեջները փորձում են մարել կրակը։ Հրդեհվել են առևտրային շինություններ, ավտոմեքենաներ, ասվում է հրշեջ ծառայության տարածած հաղորդագրության մեջ, գրում է The Daily Mail-ը։
«Elephant and Castle կայարանի մոտ՝ երկաթուղու կամարների տակ գտնվող երեք առևտրային օբյեկտներն ամբողջությամբ, ինչպես նաև չորս մեքենա և հեռախոսային կրպակ այրվում են: Ճանապարհները փակ են, մարդկանց խորհուրդ է տրվում խուսափել տարածք այցելելուց և փակ պահել պատուհաններն ու դռները»,- ասված է Twitter-ում տեղադրված հաղորդագրության մեջ:
Դեպքի վայրում աշխատում է 10 հրշեջ մեքենա ու 70 հրշեջ։
Հրշեջ ծառայությունները հրդեհի մասին 50 ահազանգ են ստացել տեղի ժամանակով ժամը 13։43-ի սահմաններում։ Պարբերականը նշում է, որ դեռևս հայտնի չէ, թե արդյոք կան տուժածներ։
Թե որն է եղել պայթյունի պատճառը, նույնպես դեռևս հայտնի չէ։
Մանրամասները՝ տեսանյութում։
Տաթև Ֆռանգյան
Elephant and Castle #tfl #explosion pic.twitter.com/PdSttKR80b
— Megan Jearum (@MeganJearum) June 28, 2021
Um London wtf is going on?! pic.twitter.com/wbPMdpNijF
— Matthew James Lister (@MrMattLister) June 28, 2021
