01.04.2026 | 16:24
Աջափնյակի կրակոցների դեպքով 20 անձի նկատմամբ քրեական հետապնդում է հարուցվել․ 3-ը հետախուզման մեջ է
Վրաստանի ԱՆ-ն առաջարկում է թեստավորել երկիր մուտք գործող բոլոր զբոսաշրջիկներին՝ անկախ պատվաստված լինելու հանգամանքից
Քաղաքականություն
28.06.2021 | 16:47
Վրաստանի Առողջապահության նախարարությունն առաջարկում է թեստավորել երկիր մուտք գործող բոլոր զբոսաշրջիկներին՝ անկախ պատվաստված լինելու հանգամանքից, գրում է «Գրուզիա օնլայնը»։
«Կարևոր է զբոսաշրջիկներից պահանջել թեստավորվել Վրաստանի տարածքում, քանի որ այդ դեպքում ավելի շատ երաշխիքներ կլինեն, որ գործ չենք ունենա կեղծված փաստաթղթերի հետ»,- հայտարարել է Վրաստանի առողջապահության նախարար Եկատերինա Տիկարաձեն։
Նրա խոսքով՝ այդ դեպքում երկրի տարածքով զբոսաշրջիկների տեղաշարժը շատ ավելի անվտանգ կլինի Վրաստանի քաղաքացիների համար։
«Զբոսաշրջիկների տեղաշարժը շատ ավելի անվտանգ կլինի մեր քաղաքացիների համար։ Առողջապահության նախարարությունը թեստավորման կենտրոնների լայն շրջանակ ունի։ Նախարարությունը մեր երկրի անվտանգության համար կարևոր է համարում, որպեսզի բոլոր զբոսաշրջիկները, որոնք չնայած երկու անգամ պատվաստվել են, հավելյալ թեստավորում անցնեն Վրաստանում, սա միայն Վրաստանում գործող կարգավորում չէ, համանման պրակտիկա կա նաև այլ երկրներում։ Կարծում ենք, որ դա պետք է լինի կարգավորում, այլ ոչ թե խորհրդատվություն»,- հայտարարել է Եկատերինա Տիկարաձեն։
Տաթև Ֆռանգյան
