14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Ադրբեջանում մեկնարկել են «Մուստաֆա Քեմալ Աթաթուրք-2021» թուրք-ադրբեջանական համատեղ զորավարժությունները
Քաղաքականություն
28.06.2021 | 13:33
Ադրբեջանում այսօր մեկնարկել են «Մուստաֆա Քեմալ Աթաթուրք-2021» թուրք-ադրբեջանական համատեղ մարտավարական զորավարժությունները։ Այս մասին հաղորդում են ադրբեջանական լրատվամիջոցները՝ վկայակոչելով Պաշտպանության նախարարությունը։
«Զորավարժություններն անցկացվում են Ադրբեջանի ու Թուրքիայի միջև ռազմական համագործակցության համաձայնագրին համապատասխան։ Թուրք ու ադրբեջանցի զինծառայողների մասնակցությամբ զորավարժությունների հիմնական նպատակն է՝ բարելավել երկու երկրների բանակների ստորաբաժանումների համագործակցությունը ռազմական գործողությունների ընթացքում, հրամանատարների մոտ զարգացնել ռազմական որոշումների կայացման և ստորաբաժանումների ղեկավարման հմտությունները»,- ասվում է Ադրբեջանի ՊՆ հաղորդագրության մեջ։
Զորավարժություններին, որոնք տևելու են մինչև հունիսի 30-ը, ներգրավված է անձնակազմի 600 անդամ, 40 տանկ ու այլ զրահատեխնիկա, տարբեր տրամաչափի մինչև 20 հրետանի ու այլ ականանետեր, 7 ռազմական և տրանսպորտային ուղղաթիռ, 3 անօդաչու թռչող սարք, մինչև 50 ավտոմեքենա։
Այլ մանրամասներ չեն հաղորդվում։
Էմմա Չոբանյան
