12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
ԱՄՆ-ը ավիահարվածներ է հասցրել Իրաքի ու Սիրիայի սահմանին իրանամետ ուժերի ռազմական օբյեկտներին
Քաղաքականություն
28.06.2021 | 12:55
ԱՄՆ-ը օդային հարվածներ է հասցրել Իրաքի և Սիրիայի սահմանային շրջաններում տեղակայված իրանամետ աշխարհազորայինների թիրախներին։ Այս մասին ասված է Պենտագոնի կայքում հրապարակված հաղորդագրության մեջ:
«Նախագահ Բայդենի հրամանով՝ ԱՄՆ Զինված ուժերը այս երեկոյան պաշտպանական գերճշգրիտ ավիահարվածներ են հասցրել Իրանի կողմից աջակցություն վայելող ապստամբ խմբավորումների՝ իրաք-սիրիական սահմանային հատվածում տեղակայված օբյեկտներին։ Սույն թիրախներն ընտրվել են, քանի որ դրանք օգտագործվում են Իրանի կողմից աջակցվող աշխարհազորայինների կողմից, որոնք անօդաչու թռչող սարքավորումների կիրառմամբ Իրաքում ԱՄՆ-ի օբյեկտների ու անձնակազմի դեմ գրոհներ են իրականացնում»,- ասված է ԱՄՆ պաշտպանական գերատեսչության հայտարարության մեջ։
Ավիահարվածներ են հասցվել Սիրիայում՝ 2 և Իրաքում՝ 1 զենքի պահեստներին։ Այս վայրերը, ինչպես նշում է Պենտագոնը, օգտագործվել են Իրանի կողմից աջակցվող մի քանի խմբավորումների կողմից։
Տաթև Ֆռանգյան
