30.06.2026 | 07:57
ԱԱ-2026. Մարոկկոն 11-մետրանոցներով հաղթեց Նիդերլանդներին. ՏԵՍԱՆՅՈՒԹ
Ռոման Պրոտասևիչն ու Սոֆյա Սապեգան տնային կալանքի տակ են
Քաղաքականություն
25.06.2021 | 13:33
Բելառուս ընդդիմադիր լրագրող Ռոման Պրոտասևիչին և նրա ընկերուհուն՝ Սոֆյա Սապեգային, տեղափոխել են տնային կալանքի տակ։ Նրանց ձերբակալել էին մայիսին՝ Մինսկում Ryanair-ի ինքնաթիռի վայրէջքից հետո, որն Աթենքից Վիլնյուս էր ուղևորվում։
Նախօրեին տելեգրամ-ալիքներում լուսանկարներ են հայտնվել, որոնցում Պրոտասևիչն ու Սապեգան զբոսայգում հարցազրույց են տալիս։ Այժմ Սապեգան մենակ է Մինսկում վարձակալած բնակարանում, BBC-ին պատմել են նրա ծնողները։ Նրանք Սապեգային տեսել են նախօրեին։ Ծնողների խոսքով՝ Սոֆյան տնային կալանքի տակ է արդեն 2-3 օր։
«Իհարկե՝ մենք ուրախ ենք, որ նա բանտում չէ, դրանք բնակության միանգամայն տարբեր պայմաններ են։ Առանձնապես չէինք հավատում դրան։ Սոֆյան դեռևս դրական է տրամադրված»,- ասել է Սապեգայի խորթ հայրը։ Նա հույս ունի, որ աղջկան առաջադրված բոլոր մեղադրանքները կհանվեն։
Ռոման Պրոտասրիչը ևս տնային կալանքի տակ է, BBC-ին պատմել է նրա հայրը՝ Դմիտրի Պրոտասևիչը։
«Դժվարանում եմ մեկնաբանել իշխանությունների գործողությունները, չեմ կարող ասել՝ նրանք ինչ նպատակներ ունեն։ Միգուցե, քաղաքական խաղ է գնում»,- ասել է Պրոտասևիչ ավագը։
Տաթև Ֆռանգյան
