26.04.2026 | 14:53
«Հայաստանը՝ աշխարհի ամենաանվտանգ երկրների շարքում. մեծամասշտաբ միջոցառումներն անցել են առանց միջադեպերի». ՆԳՆ
Իրանը ծանր ռազմատեխնիկա է կուտակում Աֆղանստանի հետ սահմանին
Քաղաքականություն
24.06.2021 | 18:42
Իրանական բանակը ծանր ռազմատեխնիկա, այդ թվում՝ Т-72С և БМП-2 է տեղափոխում Աֆղանստանի հետ սահման, գրում է EurAsia Daily-ն։
Պարբերականը նաև զրահատեխնիկայի հնարավոր տեղափոխումը հաստատող տեսանյութ է հրապարակել։
Հարևան երկրում վերջին իրադարձությունները, որտեղ «Թալիբան» շարժումը լայնածավալ գրոհ է իրականացնում երկրի հյուսիսում ու արևելքում՝ միանգամից մի քանի շրջաններում, ակնհայտորեն ստիպում են Իսլամական Հանրապետությանը նախապես հոգալ իր արևելյան սահմանների պաշտպանության մասին։
Միաժամանակ, նշվում է, որ այս տեղեկության պաշտոնական հաստատում դեռևս չկա։
Հիշեցնենք՝ թալիբները վերջին օրերի ընթացքում է՛լ ավելի են մոտեցել Քունդուզ քաղաքին՝ Տաջիկստանի հետ սահմանին մի շարք ռազմական գործողություններից հետո։ Մի քանի աֆղան պաշտոնյաներ ապաստանել են Տաջիկստանում։
Տաթև Ֆռանգյան
