07.11.2024 | 23:23
Թուրքիան Թրամփի նախագահության օրոք ԱՄՆ-ի կողմից մասքատուրքերի իջեցում է ակնկալում
«Թալիբանի» զինյալները մոտեցել են Տաջիկստանի սահմանին․ աֆղան պաշտոնյաներն ապաստանել են Տաջիկստանում
Քաղաքականություն
23.06.2021 | 12:45
«Թալիբան» շարժման զինյալները մոտեցել են տաջիկ-աֆղանական սահմանի՝ աֆղանական հատվածում գտնվող Շերխան-Բանդար մաքսային ու առևտրային անցակետին։ Այս մասին գրում է ura.ru-ն՝ հղում կատարելով տաջիկական լրատվամիջոցներին։
«Թալիբները գրավել են Շերխան-Բանդար անցակետը, ինչի արդյունքում Աֆղանստանի որոշ իշխանական ուժեր հանձնվել են թալիբներին, իսկ մյուսները՝ թաքնվել Տաջիկստանում»,- գրում է «Ասիա պլյուսը»։
Աֆղան փախստականների թվում պաշտոնյաներ կան։ Պարբերականը հայտնում է, որ չի հաջողվել մեկնաբանություն ստանալ Տաջիկստանի իշխանություններից։
Հավելենք, որ Տաջիկստանում տեղակայված է ռուսական 201-րդ ռազմաբազան, որը ներառված է Կենտրոնական ռազմական օկրուգի կազմի մեջ։ Սա երկրի սահմաններից դուրս գտնվող ՌԴ ամենախոշոր ռազմաբազան է։
Տաթև Ֆռանգյան
