09.06.2026 | 00:17
Մարկո Ռուբիոն շնորհավորել է Փաշինյանին
Դատախազները քննադատեցին ՍԴ որոշումը. դա անթույլատրելի է. Հայկ Ալումյան. ՏԵՍԱՆՅՈՒԹ
Հասարակություն
24.06.2021 | 15:31
Վերաքննիչ քրեական դատարանում մեկնարկել է Սահմանադրական կարգի ենթադրյալ տապալման գործով Առաջին ատյանի ընդհանուր իրավասության դատարանի կայացրած՝ քրեական հետապնդումը դադարեցնելու մասին որոշման դեմ Դատախազության բողոքի քննությունը:
Առաջին ատյանի դատարանի որոշման դեմ վերաքննիչ բողոք են ներկայացրել դատախազները՝ պնդելով վերացնել ընդհանուր իրավասության դատարանի որոշումը:
Դատախազ Գևորգ Բաղդասարյանը Քոչարյանի և մյուսների գործով դատարանին միջնորդեց դիմել ՍԴ: Նա միջնորդությունը ներկայացրեց բանավոր:
Փաստաբան Հայկ Ալումյանը նախ դատարանից խնդրեց տրամադրել նիստի ձայնագրությունը, որպեսզի դատախազի ներկայացրած գրավոր միջնորդությանը մեկ անգամ ևս ծանոթանալու հնարավորություն ունենան և ժամանակ ՝ դրա վերաբերյալ դիրքորոշում հայտնելու համար:
Ալումյանը հայտարարությամբ հանդես եկավ՝ նշելով, որ դատախազների կողմից ՍԴ որոշումը քննադատելն անթուլատրելի է, քանի որ որոշումը կայացրել է սահմանադրական արդարադատություն իրականացնող բարձրագույն ատյանի դատարանը, այն վերջնական է և ենթակա կատարման:
Ալումյանի խոսքով՝ցանկացած մարդ կարող է քննադատել ՍԴ որոշումը, կարծիք հայտնել այդ որոշման մասին, բայց ՀՀ-ն ու տվյալ դեպքում ՀՀ անունից պաշտոնապես ներկայացված դատախազությունն այն քննադատել չի կարող, քանի որ կստացվի, որ ՀՀ-ն քննադատում է ՀՀ անունից հանդես եկող դատարանին:
Մանրամասները՝ տեսանյութում:
