11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Մերկելը կոչ է արել ԵՄ-ին՝ համակարգված արձագանքել ՌԴ սադրանքներին
Քաղաքականություն
24.06.2021 | 15:47
Գերմանիայի կանցլեր Անգելա Մերկեը կոչ է արել Եվրամիությանը՝ ստանձնել Ռուսաստանի հետ բանակցելու նախաձեռնությունը՝ հարաբերությունների հետագա վատթարացումից խուսափելու համար, գրում է DW-ի ռուսական ծառայությունը։
«ՌԴ սադրանքների ֆոնին ԵՄ-ն պետք է փնտրի Ռուսաստանի և այդ երկրի նախագահի հետ ուղիղ շփումներ»,- ասել է նա՝ ելույթ ունենալով Գերմանիայի Բունդեսթագում։
Մերկելը նաև նշել է, որ Եվրամիությունը պետք է Ռուսաստանի հետ բանակցային ձևաչափեր մշակի և միասնական ճակատով հանդես գա Մոսկվայի հետ հարաբերություններում։
«Վերջին ամիսների իրադարձությունները հստակ ցույց տվեցին, որ երբ մենք համակարգված չենք արձագանքում ՌԴ բազմաթիվ սադրանքներին։ Դա բավարար չէ։ Եվրամիությունը պետք է մեխանիզմներ ստեղծի՝ ՌԴ սադրանքներին միասնական ու փոխկապակցված արձագանքելու համար»,- պարզաբանել է Գերմանիայի կանցլերը՝ նշելով, որ այդ ժամանակ ԵՄ-ն «կսովորի ինչ-որ բան հակադրել ՌԴ-ի կողմից հիբրիդային հարձակումներին»։
Անգելա Մերկելը նաև կոչ է արել մշակել «Ռուսաստանի և ԵՄ-ի միջև ընդհանուր ռազմավարական շահերի օրակարգ»։
Որպես օրինակ՝ նա նշել է կլիմայի փոփոխությունը, ինչպես նաև Լիբիայում ու Սիրիայում հակամարտությունների կարգավորումը։
Տաթև Ֆռանգյան
