24.04.2026 | 09:28
Սգալու հետ մեկտեղ պետք է գիտակցենք, որ այս օրը նաև անցյալից հետևություններ անելու, ուժեղանալու և ապրելու մասին է․ Ալեն Սիմոնյան
Ինչու է Վանեցյանը դաշինք կազմել Սերժ Սարգսյանի հետ, որի իշխանությանը թալան էր վերագրում. ՏԵՍԱՆՅՈՒԹ
Քաղաքականություն
23.06.2021 | 22:00
Շուրջ 20 տարի Ազգային անվտանգության ծառայությունում աշխատած Արթուր Վանեցյանը պնդում է՝ 2018-2019 թվականներին, երբ զբաղեցրել է ԱԱԾ տնօրենի պաշտոնը, պետական բյուջե է վերադարձրել Հայաստանի նախկին իշխանությունների տարիներին թալանված գումարների ամենամեծ մասը։
«Պատիվ ունեմ» դաշինքի առաջին համարի հրավիրած ասուլիսում հնչած այս պնդումն ուշագրավ է նրանով, որ Վանեցյանն իր նշած նախկին նախագահներից մեկի՝ Սերժ Սարգսյանի հետ դաշինքով է մասնակցել արտահերթ ընտրություններին: ԱԱԾ նախկին տնօրենն այս միտքը Սերժ Սարգսյանի ներկայությամբ մի փոքր այլ ձևակերպմամբ հնչեցրել էր նաև քարոզարշավի օրերին, մասնավորապես՝ հունիսի 13-ին Արաբկիր վարչական շրջանի ընտրողների հետ հանդիպման ժամանակ։
Արթուր Վանեցյանը որևէ խնդիր չի տեսնում, որ դաշինք է կազմել և այժմ էլ ընդդիմադիր խմբակցության կարգավիճակով մտնելու է խորհրդրարան ՀՀԿ-ական թիմի հետ:
2018-ի մայիսից մինչև 2019-ի սեպտեմբեր, այսինքն՝ Վանեցյանի պաշտոնավարման ժամանակահատվածում, ըստ պաշտոնական տվյալների՝ ԱԱԾ քննչական դեպարտամենտի վարույթում քննվող քրեական գործերով պետությանը պատճառված ընդհանուր վնասից վերականգնվել է 16 միլիարդ 874 միլիոն 166 հազար 130 ՀՀ դրամ:
Ժուռնալիստների «Ասպարեզ» ակումբի խորհրդի նախագահ Լևոն Բարսեղյանի խոսքով՝ այս գումարը, որը հետ է բերվել Վանեցյանի ԱԱԾ տնօրեն եղած ժամանակահատվածում, Հայաստանից գողացված գումարների չնչին մասն է: ԹԻՀԿ ծրագրերի համակարգող Վարուժան Հոկտանյանն էլ ընդգծում է՝ երեսուն տարի թալանված գումաները հետ բերելու համար շուրջ 17 միլիարդ դրամը քիչ գումար չէ, բայց հանրությունն ավելի էական բացահայտումների ակնկալիք ուներ:
Մանրամասները՝ տեսանյութում։
Նարեկ Կիրակոսյան
