27.11.2024 | 21:28
ՆԳՆ-ԵՄ համագործակցությունը կընդլայնվի․ ՆԳ նախարարն ընդունել է ԵՄ պատվիրակության ղեկավարին
ԵՄ անդամ երկրների ղեկավարները կքննարկեն Թուրքիայի ու ՌԴ-ի հետ հարաբերությունները
Քաղաքականություն
23.06.2021 | 20:14
Եվրամիության անդամ 27 երկրների ղեկավարները ամառային արձակուրդներից առաջ՝ հունիսի 24-25-ը կայանալիք ԵՄ վերջին գագաթնաժողովում կքննարկեն Ռուսաստանի և Թուրքիայի հետ հարաբերությունները: Այս մասին Բրյուսելում լրագրողներին հայտնել է ԵՄ ներկայացուցիչը, գրում է ՏԱՍՍ-ը:
«Հինգշաբթի կայանալիք ընթրիքին կքննարկվեն արտաքին քաղաքական խնդիրներ: Առաջնորդները կքննարկեն Թուրքիան և Ռուսաստանը»,- ասել է նա:
Դիվանագետի խոսքով՝ «սպասվում է Ռուսաստանի վերաբերյալ խորը քննարկում»:
«Մենք ակնկալում ենք խորը քննարկում Ռուսաստանի վերաբերյալ, որը հիմնված կլինի ԵՄ դիվանագիտության ղեկավար Ջոզեպ Բորելի՝ մեկ շաբաթ առաջ ներկայացրած զեկույցի վրա: Այս զեկույցի մասին ղեկավարները կխոսեն»,- պարզաբանել է նա՝ նշելով, որ գագաթնաժողովից հետո ԵՄ ղեկավարները եզրակացություններ են ընդունելու Ռուսաստանի վերաբերյալ։
Ինչ վերաբերում է Թուրքիային, աղբյուրի խոսքով՝ առաջնորդները հույս ունեն քննարկել Անկարայի հետ հարաբերություններում «դրական օրակարգի շարունակությունը»։ Ընդ որում, ինչպես նշել է դիվանագետը, գագաթնաժողովի մասնակիցներն իրենց մտահոգությունը կհայտնեն Կիպրոսում իրավիճակի ու Ֆամագուստո շրջանում Վարոշա նախկին զբոսաշրջային քաղաքի կառուցման հետ կապված Անկարայի հետագա գործողությունների վերաբերյալ։
Տաթև Ֆռանգյան
