27.11.2024 | 21:44
ՀՀ ԱԳՆ-ն՝ ԵՏՄ նիստը Սանկտ Պետերբուրգում անցկացնելու մասին
Մեծ Բրիտանիան հերքում է․ ՌԴ-ն իր ռազմանավի ուղղությամբ կրակ չի բացել
Քաղաքականություն
23.06.2021 | 17:09
Մեծ Բրիտանիայի պաշտպանության նախարարությունը հայտարարել է, որ իր Defender ականակիրը խաղաղ անցում է կատարել Ուկրաինայի տարածքային ջրերով՝ հերքելով նախազգուշացնող կրակի մասին ՌԴ-ի հայտարարությունները։ Այս մասին ասված է գերատեսչության հայտարարության մեջ, որը տարածվել է Twitter-ի միկրոբլոգում Ղրիմի թերակզու շրջանում ավելի վաղ գրանցված միջադեպի կապակցությամբ։
«Մեծ Բրիտանիայի ռազմածովային ուժերի նավերը խաղաղ անցում են իրականացրել Ուկրաինայի տարածքային ջրերով՝ միջազգային իրավունքի համաձայն»,- նշված է հայտարարության մեջ։
«Մենք ենթադրում ենք, որ ռուսներն ուսումնական կրակ են բացել Սև ծովում և նախապես նախազգուշացրել ծովում գտնվողներին իր գործունեության մասին։ Կրակոցներից ոչ մեկն ուղղված չի եղել HMS Defender-ին, և մենք չենք ընդունում այն պնդումները, որ նավի ճանապարհին ռումբեր են գցվել»,- հայտնել են նախարարության մամլո ծառայությունից։
Հիշեցնենք՝ ավելի վաղ ՌԴ ՊՆ-ն հայտնել էր, որ Սևծովյան նավատորմը, սահմանապահների հետ միասին, կանգնեցրել է բրիտանական Defender ավիակրի կողմից ռուսական սահմանի խախտումը։ Նշվում էր, որ Սու-24Մ ինքնաթիռը նախազգուշական կրակ է բացել բրիտանական ավիակրի ուղղությամբ։
Տաթև Ֆռանգյան
