01.03.2026 | 13:53
Օդի ջերմաստիճանը մարտի 1-ի ցերեկը, 2-3-ին գիշերային ժամերին կնվազի 6-9 աստիճանով
Audi ավտոկոնցեռնը հայտարարել է ներքին այրման շարժիչներով ավտոմեքենաների արտադրությունից հրաժարվելու ծրագրի մասին
Քաղաքականություն
23.06.2021 | 17:40
Գերմանական Audi ավտոկոնցեռնը հայտարարել է ներքին այրման շարժիչներով ավտոմեքենաների արտադրությունից հրաժարվելու ծրագրի մասին։ 2026 թվականից Audi-ի բոլոր մոդելները կլինեն էլեկտրոմոբիլներ, հայտարարել է կոնցեռնի ղեկավար Մարկուս Դյուզմանը Բեռլինում տեղի ունեցած կլիմայի վերաբերյալ կոնֆերանսի ժամանակ, գրում է DW-ի ռուսական ծառայությունը։
Ակնկալվում է, որ մինչ 2025 թվականը Audi-ն կունենա ավելի քան 20 մոդելի էլեկտրոմոբիլ։
Ընդ որում, ներքին այրման շարժիչներով մեքենաների արտադրությունից նախատեսվում է հետզհետե հրաժարվել մինչև 2033 թվականը։ Միաժամանակ, Չինաստանում նման մեքենաների բարձր պահանջարկի պատճառով, հնարավոր է՝ դրանք շարունակեն արտադրվել տեղի գործընկեր գործարաններում 2033 թվականից հետո էլ, չի բացառել Audi-ի ղեկավարը։
Մի շարք արտադրողներ ևս արդեն հայտարարել են ներքին այրման շարժիչներով մեքենաների արտադրությունը սահմանափակելու պլանների մասին: Շվեդական Volvo ընկերությունը մտադիր է դա անել մինչև 2030 թվականը, ամերիկյան General Motors կոնցեռնը՝ 2035 թվականից, Daimler-ը նախատեսում է ամբողջությամբ անցնել էլեկտրական մեքենաների մինչև 2039 թվականը, իսկ գերմանական մեկ այլ՝ Volkswagen կոնցեռնը՝ 2040 թվականից:
Տաթև Ֆռանգյան
