30.06.2026 | 07:57
ԱԱ-2026. Մարոկկոն 11-մետրանոցներով հաղթեց Նիդերլանդներին. ՏԵՍԱՆՅՈՒԹ
ԱՄՆ-ում հրաձգության հետևանքով 3 մարդ զոհվել է, 4-ը՝ վիրավորվել
Քաղաքականություն
22.06.2021 | 17:10
Առնվազն 3 մարդ է զոհվել, ևս 4-ը՝ վիրավորվել երկուշաբթի երեկոյան ԱՄՆ Միսուրի նահանգի Սեյնթ Լուիս քաղաքում տեղի ունեցած հրաձգության հետևանքով, հաղորդում է CNN-ը։
Ոստիկանության կոմիսար Ջոն Հեյդենը հայտնել է, որ միջադեպի պատճառը հայտնի չէ։ Իրավապահները հետաքննություն են անցկացնում քաղաքի Վիլլե թաղամասի տարածքում՝ փորձելով գտնել ցանկացած տեսանյութ, որում կարող է նկարահանված լինել դեպքի վայրը:
Զոհվածներից երկուսի մարմինը գտել են շուրջօրյա աշխատող սուպերմարկետի մոտ, մյուս տուժածները հայտնաբերվել են հարևանությամբ գտնվող դպրոցի բակում։
Հեյդենը հայտնել է, որ մահացածները «չափահաս տղամարդիկ են՝ շուրջ 30 տարեկան»: Նա չի հայտնել, թե ինչ վիճակում են վիրավորները:
