08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
Մեծ Բրիտանիան ու Ուկրաինան համատեղ ռազմանավեր կկառուցեն
Քաղաքականություն
22.06.2021 | 16:47
Մեծ Բրիտանիան ու Ուկրաինան պայմանավորվել են համատեղ ռազմանավեր և Ուկրաինայի ռազմածովային ուժերի համար ռազմաբազաներ կառուցելու մասին։ BBC-ի ռուսական ծառայության փոխանցմամբ՝ այս մասին հայտնել է Ուկրաինայի Պաշտպանության նախարարությունը։
«Հունիսի 21-ին Օդեսայում Միացյալ Թագավորության ռազմածովային նավատորմի «Defender» հրթիռային ավիակրի վրա Մեծ Բրիտանիայի պաշտպանական գնումների նախարար Ջերեմի Քուինը և Ուկրաինայի պաշտպանության փոխնախարար Օլեքսանդր Միրոնյուկը հուշագիր են ստորագրել՝ Միացյալ Թագավորության արդյունաբերության կոնսորցիումի և Ուկրաինայի ռազմածովային ուժերի միջև ծովային գործընկերության ծրագրի վերաբերյալ»,- ասված է հայտարարության մեջ:
Հուշագիրը նախատեսում է Ուկրաինայում և Մեծ Բրիտանիայում ռազմանավերի համատեղ նախագծում և կառուցում, ուկրաինական նավաշինական ձեռնարկությունների վերակառուցում և Ուկրաինայի ռազմածովային ուժերի երկու հենակետերի կառուցում:
Տաթև Ֆռանգյան
