09.06.2026 | 11:33
Ռուսաստանի ազդեցությունը նվազում է Ադրբեջանում, Հայաստանում և Մոլդովայում․ Զելենսկի
Վրաստանում վերացվում է պարետային ժամն ու բաց տարածքներում դիմակ կրելու պարտադիր պայմանը
Քաղաքականություն
22.06.2021 | 12:44
Վրաստանում հուլիսի 1-ից վերացվում է գիշերային ժամերին տեղաշարժման արգելքը՝ «պարետային ժամը»։ Sputnik-ի վրացական ծառայության փոխանցմամբ՝ այս մասին հայտարարել է Վրաստանի վարչապետ Իրակլի Ղարիբաշվիլին:
Բացի այդ, հունիսի 22-ից չեղարկվում է բաց տարածքում պարտադիր դիմակ կրելու պայմանը։
«Այսօրվանից բաց տարածքում դիմակ կրելը պարտադիր չէ։ Սահմանափակումների չեղարկումը չի տարածվում տրանսպորտի և փակ տարածքների վրա։ Հուլիսի 1-ից կչեղարկվի տեղաշարժման սահմանափակումը՝ «պարետային ժամը»,- ասել է Ղարիբաշվիլին Միջգերատեսչական համակարգող խորհրդի նիստից հետո կայացած ճեպազրույցի ժամանակ։
Կառավարության ղեկավարը նշել է նաև, որ երկու շաբաթվա ընթացքում Վրաստան կմատակարարվի կորոնավիրուսի դեմ պատվաստանյութերի մեկ միլիոն չափաբաժին և երկրում կսկսվի պատվաստումների ակտիվ փուլը:
Տաթև Ֆռանգյան
