01.03.2026 | 13:53
Օդի ջերմաստիճանը մարտի 1-ի ցերեկը, 2-3-ին գիշերային ժամերին կնվազի 6-9 աստիճանով
ՌԴ-ն ու Չինաստանը համատեղ զորավարժության են նախապատրաստվում
Քաղաքականություն
22.06.2021 | 14:59
ՌԴ Արևելյան ռազմական շրջանը և Չինաստանի ժողովրդական ազատագրական բանակը (ՉԺԱԲ) բանակցություններ են սկսել՝ ՉԺՀ-ում «Արևմուտք/Փոխգործակցություն – 2021» համատեղ զորավարժությունների անցկացման շուրջ։ «Ինտերֆաքսի» փոխանցմամբ՝ այս մասին հայտնում է ՌԴ Արևելյան ռազմական շրջանի մամուլի ծառայությունը:
«Խաբարովսկում մեկնարկել են ՉԺԱԲ-ի ներկայացուցիների հետ բանակցությունները «Արևմուտք/Փոխգործակցություն – 2021» համատեղ օպերատիվ-ռազամավարական զորավարժություններին Արևելյան ռազմական շրջանի մասնակցության կազմակերպման վերաբերյալ», -ասված է հայտարարության մեջ։
Ակնկալվում է, որ մինչև շաբաթվա վերջ կողմերը համաձայնության կգան ՉԺՀ ռուսական զորախմբի ժամանման կարգի, զորավարժությունների պլանի և նյութատեխնիկական աջակցության կարգի վերաբերյալ։
Տաթև Ֆռանգյան
