30.06.2026 | 11:35
ԱՄՆ-ի և Իրանի բանակցողները մեկնում են Դոհա, սակայն հանդիպումը հաստատված չէ
Վե՛րջ դրեք հայհոյախոսությանը․ Փաշինյանի կոչը քաղաքական ուժերին. ՏԵՍԱՆՅՈՒԹ
Քաղաքականություն
21.06.2021 | 21:17
Ժողովուրդը ցույց տվեց, որ իր դեմ խաղ չկա: Այս մասին այսօր Հանրապետության հրապարակում հանրահավաքի ընթացքում ասաց ՀՀ վարչապետի պաշտոնակատար, «Քաղաքացիական պայմանագիր» կուսակցության նախընտրական ցուցակը գլխավորող Նիկոլ Փաշինյանը:
«Հույս ունեմ, որ մենք փաստացի այսօր կարձանագրենք, որ նոյեմբերի 9-ին Հայաստանում սկսած ներքաղաքական ճգնաժամը հաղթահարված է, և մենք վաղվանից վերադառնում ենք լիարժեք աշխատանքի:
Պիտի արձանագրենք, որ պայմանները և միջավայրը այսօր էականորեն փոխված են, որովհետև Հայաստանի Հանրապետությունը քաղաքական այս թիմին տվել է մանդատ՝ երկրում հաստատելու իրավունքի և օրենքի դիկտատուրա: Ժողովուրդն իրականացրել է պողպատե հեղափոխություն»,- ասաց Նիկոլ Փաշինյանը:
«Վե՛րջ դրեք հայհոյախոսությանը»,- Փաշինյանն այս կոչով դիմեց քաղաքական ուժերին:
«Հայաստանի ժողովուրդը կայացրել է իր որոշումը, ստեղծել է նոր քաղաքական իրադրություն և իրավիճակ: Այդ իրավիճակի առաջին կետը և հանգրվանը հետևյալն է. ես առաջարկում եմ բոլոր քաղաքական ուժերին, հանրային մասնակիցներին սկսել մի պարզ կետից՝ վերջ դնել հայհոյախոսությանը:
Առաջին հերթին մեր քաղաքական համախոհներին, կողմնակիցներին եմ կոչ անում, որ վերջ դնենք հայհոյախոսությանը, որովհետև Հայաստանի ու Արցախի պատմության մեջ նոր էջ է բացվում, և այդ էջը պետք է սկսենք ազգային ու հանրային ներուժի համախմբմամբ:
Ասում եմ, որ ինքս էլ օբյեկտիվ կամ սուբյեկտիվ պատճառներով, գուցե ստիպված, գուցե կամա, գուցե ակամա չեմ խուսափել այդ տրամաբանությունից, բայց ես առաջինը ինքս եմ ստանձնում այդ պարտավորությունը և կոչ եմ անում մեր բոլոր կողմնակիցներին վերջ դնել հայհոյախոսությանը, անհարկի ագրեսիային, անհարկի թշնամանքին, որովհետև մենք լրջագույն մարտահրավերների առաջ ենք և պետք է մեր պետականության կառուցման այս նոր և հրաշալի էջը բացենք»,- ասաց Փաշինյանը:
Մանրամասները՝ տեսանյութում:
